شاعر تزوج شاعره شوفو وش صار

تحكمني قناعاتي · #1 01-07-2011, 08:40 PM

السلام عليكم ورحمة الله وبركاته

هذا ياطويلين العمر شاعر تزوج شاعره تعالوا شوفوا وش صار ؟؟؟؟!!!!

شاعر وشاعره جمعهم النصيب وتزوجوا .. وكان بينهم اتفاق تكون ليلة العرس مختلفه وغير تقليديه ، وان كل منهم يقول ابيات شعر ارتجاليه وقت وجودهم على الكوشه .. وبطريقة المحاوره ..

دخل العريس على عروسه واهي تنتظره على الكوشه .. وبدا ينفذ الاتفاق .. واول شي رحب بالحاضرات وقال :

مرحبــا ضيفاتنا .. فالفـرح نوّر 000 ياهلا ويامسهلا بالحاضراتي
ارقصن غنن ولابي منكن اكثر 000 انفضن سمر الجدايل مايلاتي
الفرح بوجودكن .. يزها ويفخر 000 دامـه الله نعمـةٍ يالغـاليـاتي

وبعد هالابيات .. رحب العريس بعروسه وقال :

الفرح فرحين وانتي الفرح الأكبر .000 ياهلا بك ياعروسي يـا مناتي
قبلة الترحيب ، هاتي الخد الايسر 000 الشنب يخدش خدود موّرداتي
ربي جمّعنا .. وقــول الله أكبـر 000 شاعـرٍ مع شاعـرة باحلى غناتي

وجا دور العروس الشاعره .. وردت على عريسها وقالت :a

ياهلا بك واحترم نفسـك تـوّدر 000 وانثبر ساكت ولا تشوف ..البناتـي
فارغٍ قلبك مثـل ذيـبٍ تحدّر 000 يلغف الخرفان في صمت وسكاتي
لا تفكر يعرفن بالشِعْـر الأحمـر 000 ما يبن شعرك .. بنـاتٍ عاقلاتي

ويلتفت العريس على عروسه وابياتها القويه ويرد :

شينها من ليلةٍ يالوجـه الاقشـر 000 اعقلي يابنت .. خوف من الشماتي
اضحكي قدامهن لو ضحكٍ اصفـر 000 ولا تفردّنا .. تشوفي الطايلاتي
وين عقلك بالشعـر .. راح وتنكـر 000 وين كلمة حـب .. ويـن المفـرداتي

فترد عليه العروس :

تحسبن العرس يالانثـى المذكر 000 مثل شعرك هرج .. صف القافيتي
العرس ... تدخل بعالم مثل تِقبـر 000 ما مضى تنساه تحيا كالرفاتي
المْـــرَهْ بالعنـق .. والاولاد تكبر 000 والعوافي تعقبك فـي كـل آتي

العريس شاف السالفه بتخرب من اولها ، وعروسه بدت تشكي من اول ليله .. فحب يسثيرها وقال واهو يوصف البنات الحاضرات وام العروس :

شوفي اللي لابسه فستـانٍ اخضـر 000 كنهـا لولـب برقـص المبدعاتي
وشوفي امك كنهـا كيـسٍ مخصّّر 000 وفرقـي بيـن العجايـز والبناتي
وشوفي المزيون راع الشعر الاشقر 000 واهني الرجل فـي ريـم الفلاتي

وهنا العروس طقت عروقها .. وشالت الكلافه بينهم .. وردت عليه :

لعنبـو اصـلك تــرى لـو مـا تـدّبـر 000 وتستحي يالشين تقعد في ثباتي
لاصفقك كفين .. اعذر من قد انذر 000 واتركك وحدك وهـج بـلا عباتي
منت رجّـال .. ولـكن ثورٍٍ ازعــر 000 لا حيا .. لا سمت من كل الجهاتي

وتوقف العروس .. وتصيح بعريسها تطلب انه يقوم ويروحون :

هيّا قم .. قامت عصبك ولا تأخـر 000 ناويه أعطيك درسٍ في الصفاتي

ويرد العريس .. يمازح عروسته :

ماني قايم .. روحي لوحدك ولا اكثر 000 خايفٍ منك تجيبي لـي حماتـي

ويقومون الاثنين وينزلون من الكوشه .. والعروس تهمس في اذن عريسها :

شخّص ببشتك وراسك فوق اكثر 000 ودنق عيونك .. ومشيك في ثباتي
وامسك بيدي .. وتبسـم ولا تنثّـر 000 ومن قرب حولك تردد .. "ياحياتي "

فير د العريس بشويش :

من سمع هرجك .. يقول ولا تحذّر 000 ضبي شارد ما خذه ضبٍ نباتي
جعل منتي ذيك اُم الشعر الاشقر 000 لا .. وتتشرط علي وجه الدباتي

وتقفل مع العروس وتشين الاخلاق وتمسك نفسها لين وصلوا غرفة النوم .. ثم قالت :

شف ترى مابي مشاكل أو كدر 000 خلنا نِمْرحْ .. قبل وقت الفواتي
هدني الارهاق ولا احتاج السهر 000 والصبح بدري يهجدوني خواتي

وابو الشباب يرد عليها .. :

مايصير .. اللي تقولي من عذر 000 ما انــام إلا .. بحل الواجباتي!
وش تقول امي .. إذا بان الخبر 000 وش اقول لهم ..تلحفت بعباتي!

والعروس تضيق بهالفسيحه .. وتقول :

لا تطوّلهـا ... وفـكر بـالامـر 000 وش دخلهم .. فــزواج الشاعراتي
وان رفضت ارميك في هذا الممر 000 واقفل الغرفه وطوّل في سباتي

وكما جرت عليه العاده .. يخضع العريس لرغبة عروسه .. ويتلحف ببشته

الموضوع الأصلي: شاعر تزوج شاعره شوفو وش صار |منتديات ساحة الخليج | الكاتب: تحكمني قناعاتي |منتديات ساحة الخليج | المصدر: منتديات ساحة الخليج

www.sa7a.com

كلمات البحث

ساحة الخليج ، ساحة ، ساحه ، منتدى ساحة الخليج

01-07-2011, 10:38 PM

هههههههههههههه

يا لبيه بس .. احلى كلام

تحكمني قناعاتي .. يعطيك العافية دوماً متميزة في طرحك واختيارك للمواضيع

لله درّكـ يا فتاة ساحة الخليج

نترقب لجديد
بشوق
وشغف
ورجاء

لكِ ودي،

02-07-2011, 02:52 AM

ههههههههههههههههههههههههههااي ~

خوشش ليلة ض15

ليتني حاضره كان ارد عليهم :$

مير انت وهي اسكتو ولا يكثر .. كانكم ورعان يتصارعون بـ المباراتي ض15

<< اوت ض9 هههههههههههههاااي

عوافي

02-07-2011, 01:52 PM

اسعدني مرورك خيو نورت

02-07-2011, 01:53 PM

فدوو نورتي ياعسوله اي والله ليتك معهم

أدوات الموضوع
مشاهدة صفحة طباعة الموضوع أرسل هذا الموضوع إلى صديق

الإهداءات